ba-zahir baDa pur-sukun lag raha tha

ba-zāhir baḌā pur-sukūñ lag rahā thā

magar jab maiñ utrā samundar ke andar

kisī jal-parī kī vilādat thī shāyad

diyā jal rahā thā samundar ke andar

añdheroñ se gahre añdheroñ se aage

koī dar khulā thā samundar ke andar

jise sāhiloñ par nahīñ mil sakā vo

use kyā milegā samundar ke andar

ye motī kināre pe milte nahīñ haiñ

utarnā paḌegā samundar ke andar

samā.at to kyā jism-o-jāñ se guzartā

sunā apnā naġhma samundar ke andar

sitāroñ se bāteñ kiye jā rahe ho

kabhī tum ne dekhā samundar ke andar

kahīñ se guzar kar kahīñ se bhī guzre

pahuñchtā hai dariyā samundar ke andar

tumheñ malika machhlī se milvā.ūñgā maiñ

kisī din chalo nā samundar ke andar

ba-zahir baDa pur-sukun lag raha tha

magar jab main utra samundar ke andar

kisi jal-pari ki wiladat thi shayad

diya jal raha tha samundar ke andar

andheron se gahre andheron se aage

koi dar khula tha samundar ke andar

jise sahilon par nahin mil saka wo

use kya milega samundar ke andar

ye moti kinare pe milte nahin hain

utarna paDega samundar ke andar

samaat to kya jism-o-jaan se guzarta

suna apna naghma samundar ke andar

sitaron se baaten kiye ja rahe ho

kabhi tum ne dekha samundar ke andar

kahin se guzar kar kahin se bhi guzre

pahunchta hai dariya samundar ke andar

tumhein malika machhli se milwaunga main

kisi din chalo na samundar ke andar