bahami ittihad
kahne ko to yuuñ kah dete haiñ bhārat ko agar gaaḌī kahiye
to hindū aur musalmāñ haiñ is gaaḌī hī ke do pahiye
yā mādar-e-hind kī āñkhoñ ke hindū muslim do taare haiñ
ho jaa.eñ agar ye shīr-o-shakar phir kyā hī vāre-nyāre haiñ
jab baat ye hai to kyoñ donoñ ik ik ko girānā chāhte haiñ
kyoñ qasr-e-qaumiyyat kī binā ye donoñ Dhānā chāhte haiñ
gaaḌī jo chalānā chāhte ho pahiya koī nā-hamvār na ho
gar diid kā lutf uThānā hai to aañkh koī be-kār na ho
kyā hamsāyoñ se laḌ paḌnā qur.ān sharīf meñ aaya hai
kyā hamsāyoñ se shar karnā vedoñ ne kahīñ batlāyā hai
phir nāhaq kyoñ apnī quvvat ko ham din-rāt gañvāte haiñ
ḳhud laḌte haiñ dukh bharte haiñ jo ġhair haiñ un ko hañsāte haiñ
yuuñ aapas meñ laḌte laḌte kyā jāniye kyā ho jā.eñge
ik din aisā aa jā.egā ham donoñ fanā ho jā.eñge
achchhā ye baat batā.e koī ab tak laḌ kar kyā paayā hai
in roz ke qissoñ jhagḌoñ se kyā haath hamāre aaya hai
is aapas hī kī laḌā.ī se iflās se ham do-chār hue
is aapas hī kī laḌā.ī se ham aise zalīl-o-ḳhvār hue
ho merī tamanna par 'nayyar' qudrat kī taraf se saad kahīñ
is mulk kā har-har bāshinda ho fikroñ se āzād kahīñ
kahne ko to yun kah dete hain bhaarat ko agar gaDi kahiye
to hindu aur musalman hain is gaDi hi ke do pahiye
ya madar-e-hind ki aankhon ke hindu muslim do tare hain
ho jaen agar ye shir-o-shakar phir kya hi ware-nyare hain
jab baat ye hai to kyon donon ek ek ko girana chahte hain
kyon qasr-e-qaumiyyat ki bina ye donon Dhana chahte hain
gaDi jo chalana chahte ho pahiya koi na-hamwar na ho
gar did ka lutf uThana hai to aankh koi be-kar na ho
kya hamsayon se laD paDna quran sharif mein aaya hai
kya hamsayon se shar karna wedon ne kahin batlaya hai
phir nahaq kyon apni quwwat ko hum din-raat ganwate hain
KHud laDte hain dukh bharte hain jo ghair hain un ko hansate hain
yun aapas mein laDte laDte kya jaaniye kya ho jaenge
ek din aisa aa jaega hum donon fana ho jaenge
achchha ye baat batae koi ab tak laD kar kya paya hai
in roz ke qisson jhagDon se kya hath hamare aaya hai
is aapas hi ki laDai se iflas se hum do-chaar hue
is aapas hi ki laDai se hum aise zalil-o-KHwar hue
ho meri tamanna par 'nayyar' qudrat ki taraf se sad kahin
is mulk ka har-har bashinda ho fikron se aazad kahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.