baat nahin ho sakti

vo jo kahte haiñ kisī TeḌh binā koī baat nahīñ ho saktī

so aan kī aan meñ Dor palaT kar māhī-gīr pe aan paḌī

unhī mausam meñ koī tum sā dariyā paar se aayā thā

aur saarī bastī roī thī

us din bastī meñ rone vāloñ kā din thā aur tum ne kahā thā

ye log samundar math kar piite the ab rote haiñ

aur tum ne kahā thā

un logoñ se to sāhil par kho jaane vaale bachche achchhe haiñ

jo ret pe khelte khel ko paanī kar dete haiñ

so TeḌh meñ tum ne baat kahī

un logoñ se to sāhil par kho jaane vaale bachche achchhe haiñ

vo jo kahte haiñ har baat meñ koī TeḌh sī ho to behtar hai

un logoñ se sar-e-shām milo to baat nahīñ ho saktī

aur din meñ un ke saath ka.ī dorāhe chalte haiñ

aur raat meñ un ke ghar bas niiñd kā saudā ho saktā hai

aur niiñd kaddū kī bel hai suukh ga.ī to sāhil par paiġhambar bacha rah jaatā hai

so TeḌh meñ tum ne baat kahī

ab paiġhambar se baat nahīñ ho saktī

vo jo kahte haiñ kisī TeḌh binā koī baat nahīñ ho saktī

so aan kī aan meñ Dor palaT kar māhī-gīr par aan paḌī

wo jo kahte hain kisi TeDh bina koi baat nahin ho sakti

so aan ki aan mein Dor palaT kar mahi-gir pe aan paDi

unhi mausam mein koi tum sa dariya par se aaya tha

aur sari basti roi thi

us din basti mein rone walon ka din tha aur tum ne kaha tha

ye log samundar math kar pite the ab rote hain

aur tum ne kaha tha

un logon se to sahil par kho jaane wale bachche achchhe hain

jo ret pe khelte khel ko pani kar dete hain

so TeDh mein tum ne baat kahi

un logon se to sahil par kho jaane wale bachche achchhe hain

wo jo kahte hain har baat mein koi TeDh si ho to behtar hai

un logon se sar-e-sham milo to baat nahin ho sakti

aur din mein un ke sath kai dorahe chalte hain

aur raat mein un ke ghar bas nind ka sauda ho sakta hai

aur nind kaddu ki bel hai sukh gai to sahil par paighambar bacha rah jata hai

so TeDh mein tum ne baat kahi

ab paighambar se baat nahin ho sakti

wo jo kahte hain kisi TeDh bina koi baat nahin ho sakti

so aan ki aan mein Dor palaT kar mahi-gir par aan paDi