baat phansi ke din ki nahin

oxygen kī tube

aur phāñsī ke phande meñ vaise bhī kyā farq hai

baat phāñsī yā phāñsī ke din kī nahīñ

maut kī bhī nahīñ

baat to laash ke mazhaka-ḳhez lagne kī hai

fikr lāshe kī hai

jaane kaisī lage?

ek fuT lambī patlī sī gardan

mire itne bhārī badan par

aur zabāñ?

vo jo sunte haiñ itnī nikal aa.egī muñh ke bāhar

kālī-mā.ī kī sūrat

kahīñ vo Darā to nahīñ degī bachchoñ ko mere

aur vo sab nek insān jo ġhusl deñge mire jism ko

so bhī pā.eñge kyā chain se?

yā mirā bhuut un ko Darātā rahegā mahīnoñ talak

maiñ nahīñ chāhtā koī mujh se Dare

koī mujh par hañse

zindagī ik latīfe kī sūrat kaTī kuchh shikāyat nahīñ

haañ magar

laash kī shakl meñ maz.haka-ḳhez lagne se Dartā huuñ maiñ

baat itnī sī hai

baat phāñsī yā phāñsī ke din kī nahīñ

oxygen ki tube

aur phansi ke phande mein waise bhi kya farq hai

baat phansi ya phansi ke din ki nahin

maut ki bhi nahin

baat to lash ke mazhaka-KHez lagne ki hai

fikr lashe ki hai

jaane kaisi lage?

ek fuT lambi patli si gardan

mere itne bhaari badan par

aur zaban?

wo jo sunte hain itni nikal aaegi munh ke bahar

kali-mai ki surat

kahin wo Dara to nahin degi bachchon ko mere

aur wo sab nek insan jo ghusl denge mere jism ko

so bhi paenge kya chain se?

ya mera bhut un ko Daraata rahega mahinon talak

main nahin chahta koi mujh se Dare

koi mujh par hanse

zindagi ek latife ki surat kaTi kuchh shikayat nahin

han magar

lash ki shakl mein mazhaka-KHez lagne se Darta hun main

baat itni si hai

baat phansi ya phansi ke din ki nahin