bachchon ko waqt dijiye

duniyā ke kām-kāj meñ duniyā tamām ulajh ga.ī

duniyā tamām zar nahīñ thoḌī to fikr kījiye

rishtoñ kī hai kuchh ahmiyat apnoñ kā kuchh maqām hai

saarī vafā.eñ miT ga.iiñ thoḌī to fikr kījiye

bachche haiñ bad-nasīb jo tarse hamāre pyaar ko

bachche hamāre phuul haiñ ham ne jinheñ masal diyā

chehre vo takte rah ga.e apnoñ ke pyaar ke liye

ham ne talāsh-e-qurb ko paañv tale kuchal diyā

badlā zamāna ham ne to pīchhā chhuḌāne ke liye

ilm-o-hunar ke naam par ġhairoñ ke haath de diye

paidā kiyā na apnā-pan naam ke ham haiñ vāldain

māneñ hamārī baat vo socheñ zarā sā kis liye

bachche taraste haiñ hameñ kaise sukūñ mile hameñ

duniyā kī fikr kījiye un kī bhī fikr kījiye

bachche haiñ apne pyaar ke sab se ziyāda mustahiq

pā.egā dil bahut sukūñ bachchoñ ko vaqt dījiye

duniya ke kaam-kaj mein duniya tamam ulajh gai

duniya tamam zar nahin thoDi to fikr kijiye

rishton ki hai kuchh ahmiyat apnon ka kuchh maqam hai

sari wafaen miT gain thoDi to fikr kijiye

bachche hain bad-nasib jo tarse hamare pyar ko

bachche hamare phul hain hum ne jinhen masal diya

chehre wo takte rah gae apnon ke pyar ke liye

hum ne talash-e-qurb ko panw tale kuchal diya

badla zamana hum ne to pichha chhuDane ke liye

ilm-o-hunar ke nam par ghairon ke hath de diye

paida kiya na apna-pan nam ke hum hain waldain

manen hamari baat wo sochen zara sa kis liye

bachche taraste hain hamein kaise sukun mile hamein

duniya ki fikr kijiye un ki bhi fikr kijiye

bachche hain apne pyar ke sab se ziyaada mustahiq

paega dil bahut sukun bachchon ko waqt dijiye