bad-tamiz

kyā tujhe ilm hai

barf-bārī huī hai

shumālī ilāqoñ meñ darja-e-harārat nafī kī ka.ī sīḌhiyāñ chaḌh chukā

kyā tujhe ilm hai

gas kamyāb hai

aur bijlī kī qillat ne sarmā ke din kitne yaḳh kar diye

par tujhe kyā

ki tū apnī jhuggī ke dar par baḌī be-niyāzī se pasrī huī

muft kā kūḌā-karkaT jalātī huī

ik bhaḌaktā bhabhaktā alaav banā.e hue

zindagī-baḳhsh hiddat kā sāmāñ kiye

gande naale se uThtī huī dhund kā lūTtī hai maza

maiñ ne dekhā abhī

qīmtī jacketoñ aur coatoñ meñ malfūf kuchh be-kasoñ ko ThiThurte hue

aur tujhe un pe hañste hue

kya tujhe ilm hai

barf-bari hui hai

shumali ilaqon mein darja-e-hararat nafi ki kai siDhiyan chaDh chuka

kya tujhe ilm hai

gas kamyab hai

aur bijli ki qillat ne sarma ke din kitne yaKH kar diye

par tujhe kya

ki tu apni jhuggi ke dar par baDi be-niyazi se pasri hui

muft ka kuDa-karkaT jalati hui

ek bhaDakta bhabhakta alaw banae hue

zindagi-baKHsh hiddat ka saman kiye

gande nale se uThti hui dhund ka luTti hai maza

main ne dekha abhi

qimti jacketon aur coaton mein malfuf kuchh be-kason ko ThiThurte hue

aur tujhe un pe hanste hue