badan ke nuqrai fanus se bahti

būḌhī raushnī ke piile nāḳhun

vo niile ḳhuun ke saath nigal ga.ī

raat bhar ġham kī kaalī chāñdnī

us ke nathnoñ meñ jamī

kokīn kī safedī chāTtī rahī

aur chamḌe ke dāñtoñ se vo

vahshat kā badan kāTtī rahī

barf kī rānoñ se uThtī kachchī rutūbat

zaḳhmī tanhā.ī ke bad-sūrat ḳhudā se

marmarīñ aziyyat māñgtī thī

pītal ke ashtray meñ paḌe

hoñToñ kī hiddat se uble

murda sāñsoñ meñ lipTe cigarette

jin se bahtī huī velveti badbū

raakh ke surma.ī lāshoñ par bain kartī

jis kī āñkhoñ se nikaltī kāñch kī thakan

ram kī botaloñ meñ uñgliyāñ chubhotī

TuuTe hue añdhere kī chādar par so ga.iiñ

sadiyoñ kī marī huī silvaTeñ

aur un se phūTtī vahshat kī shoḳh kirneñ

chīḳhtī kursī kī pusht se chipke

kāsnī ragoñ meñ uljhe

himeros ke portrait ko lams ālūd kartī rahīñ

buDhi raushni ke pile naKHun

wo nile KHun ke sath nigal gai

raat bhar gham ki kali chandni

us ke nathnon mein jami

kokin ki safedi chaTti rahi

aur chamDe ke danton se wo

wahshat ka badan kaTti rahi

barf ki ranon se uThti kachchi rutubat

zaKHmi tanhai ke bad-surat KHuda se

marmarin aziyyat mangti thi

pital ke ashtray mein paDe

honTon ki hiddat se uble

murda sanson mein lipTe cigarette

jin se bahti hui welweti badbu

rakh ke surmai lashon par bain karti

jis ki aankhon se nikalti kanch ki thakan

ram ki botalon mein ungliyan chubhoti

TuTe hue andhere ki chadar par so gain

sadiyon ki mari hui silwaTen

aur un se phuTti wahshat ki shoKH kirnen

chiKHti kursi ki pusht se chipke

kasni ragon mein uljhe

himeros ke portrait ko lams aalud karti rahin