barf-bari ki rut

yahīñ to kahīñ par

tumhāre laboñ ne

mire sard hoñToñ se barfīle zarre chune the

usī peḌ kī chhāl par haath rakh kar

ham ik din khaḌe the

yahīñ barf-bārī meñ ham laḌkhaḌāte hue jā rahe the

bahak taaza bosoñ kī sar meñ samā.e

ham-āġhoshī jism-o-jāñ ke nashe meñ

ga.ī barf-bārī kī rut

aur pighaltī huī barf bhī bah ga.ī sab

yahāñ kuchh nahīñ ab

ki har shai na.ī hai

haTā kar ridā barf kī ghaas lahrā rahī hai

harī pattiyoñ kī ghanī Tahniyoñ meñ

havā jab chale to

ga.e mausamoñ se guzartī

hamārī hañsī gūñjtī hai

yahin to kahin par

tumhaare labon ne

mere sard honTon se barfile zarre chune the

usi peD ki chhaal par hath rakh kar

hum ek din khaDe the

yahin barf-bari mein hum laDkhaDate hue ja rahe the

bahak taza boson ki sar mein samae

ham-aghoshi jism-o-jaan ke nashe mein

gai barf-bari ki rut

aur pighalti hui barf bhi bah gai sab

yahan kuchh nahin ab

ki har shai nai hai

haTa kar rida barf ki ghas lahra rahi hai

hari pattiyon ki ghani Tahniyon mein

hawa jab chale to

gae mausamon se guzarti

hamari hansi gunjti hai