barf-bari mein

jahāñ lakḌī kī mezoñ aur nañgī kursiyoñ meñ

shah-e-balūtī gardanoñ kā ḳham nazar aa.e

vahāñ jhuknā ibādat hai

maiñ nañge paañv bāhar aa gayā thā barf-bārī meñ

mirī khiḌkī ke nīche chāñdnī se bhī ziyāda chāñdnī thī

jab havā pāgal huī

aur tum ne chehra moḌ kar sone kī koshish kī

havā suntī nahīñ hai

havā jab bhī chalegī khiḌkiyoñ par zarb aa.egī

koī āvāz bhī hogī

chalo aisā karo so lo

tum apnī niiñd do din ke liye mahfūz kar lo

barf-bārī meñ rifāqat kī har ik sūrat ibādat hai

jahan lakDi ki mezon aur nangi kursiyon mein

shah-e-baluti gardanon ka KHam nazar aae

wahan jhukna ibaadat hai

main nange panw bahar aa gaya tha barf-bari mein

meri khiDki ke niche chandni se bhi ziyaada chandni thi

jab hawa pagal hui

aur tum ne chehra moD kar sone ki koshish ki

hawa sunti nahin hai

hawa jab bhi chalegi khiDkiyon par zarb aaegi

koi aawaz bhi hogi

chalo aisa karo so lo

tum apni nind do din ke liye mahfuz kar lo

barf-bari mein rifaqat ki har ek surat ibaadat hai