batao to sahi

bhaap paanī ko banāne vaalī qudrat kis kī hai

bādaloñ se paanī barsāne meñ hikmat kis kī hai

kaun is murda zamīñ se phal ugātā hai batāo

miltī hai jo roz ham sab ko vo ne'mat kis kī hai

kaun añdhere kā hai ḳhāliq kis ne din raushan kiyā

roz-o-shab kis ne banā.e den hai kis kī havā

aag ko quvvat jalāne kī 'atā kartā hai kaun

gul khilāne ke liye kis ne banā.ī hai sabā

kis kī hikmat hai ki chaltā hai nizām-e-zindagī

kaun paidā kartā hai zehn-e-bashar meñ raushnī

parvarish karvā.ī kis ne nanhe bachchoñ kī batāo

baap ko dī kis ne shafqat maañ ko mamtā kis ne dī

bhap pani ko banane wali qudrat kis ki hai

baadalon se pani barsane mein hikmat kis ki hai

kaun is murda zamin se phal ugata hai batao

milti hai jo roz hum sab ko wo ne'mat kis ki hai

kaun andhere ka hai KHaliq kis ne din raushan kiya

roz-o-shab kis ne banae den hai kis ki hawa

aag ko quwwat jalane ki 'ata karta hai kaun

gul khilane ke liye kis ne banai hai saba

kis ki hikmat hai ki chalta hai nizam-e-zindagi

kaun paida karta hai zehn-e-bashar mein raushni

parwarish karwai kis ne nanhe bachchon ki batao

bap ko di kis ne shafqat man ko mamta kis ne di