be-niyazi

yaar hamārī fikr na karnā

apnī socho

ham to shā'ir log haiñ jaanī

phir se hijrāñ vaalī rut ne din rātoñ par qabza kar ke zulm kiyā to

phir se dariyā jaise gahre lafzoñ ke andar se motī motī chun kar

kuchh ġhazloñ ke haar buneñge

yā'nī dard kī har ik Tiis ko

har ik aah ko cash kareñge

'aish kareñge

yar hamari fikr na karna

apni socho

hum to sha'ir log hain jaani

phir se hijran wali rut ne din raaton par qabza kar ke zulm kiya to

phir se dariya jaise gahre lafzon ke andar se moti moti chun kar

kuchh ghazlon ke haar bunenge

ya'ni dard ki har ek Tis ko

har ek aah ko cash karenge

'aish karenge