bhuk

ek khā.ūñ

do khā.ūñ

yā tiin khā.ūñ

sunñe vaale shaiḳh-chillī kī ye baat hañsī meñ Taal ga.e

tāham us ne dajla-o-furāt kā paanī piyā

aur abbāsiyoñ ke ugaa.e hue anaaj se banī roTī khaa.ī

ek ek luqma halaq se utārte hue

dūsrī roTī par jhapTā

ek khā.ūñ

do khā.ūñ

yā tiin khā.ūñ

saarī duniyā chaukannī thī lekin ḳhāmosh

chañd billiyāñ ġhurrā.īñ

to un ke sāmne kuchh TukḌe Daal diye ga.e

amn-e-ālam kī baqā ke liye

shaiḳh-chillī kī nazar ab tīsrī roTī par hai

us kā anaaj kahāñ se aayā

kin dariyāoñ ne use gūñdhā

aañch kis chūlhe kī lagtī hai

tavā kis lohe kā banā hai

shaiḳh-chillī bhuuk baḌhtī hī jā rahī hai

sunñe vaale us kī baat ab hañsī meñ nahīñ Tālte

balki sahm jaate haiñ aur sochte haiñ

vo chauthī roTī kaun sī hai

jo shaiḳh-chillī kā luqma banñe vaalī hai

ek khaun

do khaun

ya tin khaun

sunne wale shaiKH-chilli ki ye baat hansi mein Tal gae

taham us ne dajla-o-furaat ka pani piya

aur abbasiyon ke ugae hue anaj se bani roTi khai

ek ek luqma halaq se utarte hue

dusri roTi par jhapTa

ek khaun

do khaun

ya tin khaun

sari duniya chaukanni thi lekin KHamosh

chand billiyan ghurrain

to un ke samne kuchh TukDe Dal diye gae

amn-e-alam ki baqa ke liye

shaiKH-chilli ki nazar ab tisri roTi par hai

us ka anaj kahan se aaya

kin dariyaon ne use gundha

aanch kis chulhe ki lagti hai

tawa kis lohe ka bana hai

shaiKH-chilli bhuk baDhti hi ja rahi hai

sunne wale us ki baat ab hansi mein nahin Talte

balki sahm jate hain aur sochte hain

wo chauthi roTi kaun si hai

jo shaiKH-chilli ka luqma banne wali hai