bidesi coat

dilā.e pichhle election meñ the jinheñ kuchh vote

vo aaj de ga.e ye kah ke ik bidesī coat

pahan ke tum ise sardī ko palle paar karo

aur aane vaale election kā intizār karo

na aur zikr-e-ināyāt-e-rahnumā suniye

huā jo coat pe ghar meñ vo tabsira suniye

bahut bigaḌ ke kahā maañ ne mujh se kyā hai ye

to baap bole ki ḳhidmāt kā sila hai ye

kahā ye maañ ne ki nīchā hai is ko kaTvā do

to biivī bolī mirā coat is meñ banvā do

kahā jo daadī se maiñ ne ki shāndār hai coat

mirī nigāh meñ to bā.is-e-vaqār hai coat

banā ke muñh ko ye kahne lagīñ baḌī amaañ

tujhe ḳhabar hī nahīñ is kī kuchh are nādāñ

na shāndār hai ye aur na bā-vaqār hai ye

kisī mare hue gore kī yādgār hai ye

dilae pichhle election mein the jinhen kuchh wote

wo aaj de gae ye kah ke ek bidesi coat

pahan ke tum ise sardi ko palle par karo

aur aane wale election ka intizar karo

na aur zikr-e-inayat-e-rahnuma suniye

hua jo coat pe ghar mein wo tabsira suniye

bahut bigaD ke kaha man ne mujh se kya hai ye

to bap bole ki KHidmat ka sila hai ye

kaha ye man ne ki nicha hai is ko kaTwa do

to biwi boli mera coat is mein banwa do

kaha jo dadi se main ne ki shandar hai coat

meri nigah mein to bais-e-waqar hai coat

bana ke munh ko ye kahne lagin baDi aman

tujhe KHabar hi nahin is ki kuchh are nadan

na shandar hai ye aur na ba-waqar hai ye

kisi mare hue gore ki yaadgar hai ye