bijli hui fel

lo vaqt huā raat kā aur aah nadārad

bijlī abhī aa.ī thī abhī vaah nadārad

is tīrgī meñ hosh hai vallāh nadārad

'asrār' andhere meñ jo hai jhelnā vo jhel

bijlī huī phir roz-e-guzishta kī tarah fel

ġhā.eb huī bijlī to huī fikr kī lo tez

logoñ ne usī vaqt kyā tanz ko mahmez

tum laakh karo apnī tabī.at ko suḳhan-ḳhez

mumkin nahīñ us vaqt taḳhayyul kī muñDhe bel

bijlī huī phir roz-e-guzishta kī tarah fel

hamdam ne kahā aaj andhere meñ hī khaao

kuchh kīḌe-makoḌoñ ko bhī sālan meñ milāo

be-ḳharch maza murġh musallam kā uḌaao

ye lutf-o-karam jaan pe ḳhud apnī gayā jhel

bijlī huī phir roz-e-guzishta kī tarah fel

jab mom kī battī na hī Dhabrī nazar aa.ī

ik puurī kitāb ik na.ī copy hī jalā.ī

tab ilm kī daulat se zarā raushnī paa.ī

das biis kitāboñ ko jalāyā ki na thā tel

bijlī huī phir roz-e-guzishta kī tarah fel

ham-sūrat-e-ma.ashūq-e-tarah-dār hai bijlī

'asrār' ke ghar meñ bhī pur-asrār hai bijlī

har roz sar-e-shām hī bīmār hai bijlī

chalte hue yak-bārgī ruk jaatī hai ye rail

bijlī huī phir roz-e-guzishta kī tarah fel

ham-sūrat-e-ma.ashūq-e-tarah-dār hai bijlī

'asrār' ke ghar meñ bhī pur-asrār hai bijlī

har roz sar-e-shām hī bīmār hai bijlī

chalte hue yak-bārgī ruk jaatī hai ye rail

bijlī huī phir roz-e-guzishta kī tarah fel

bijlī ke chale jaane se Takrā ga.e kuchh log

cup chaa.e kā shervānī pe chhalkā ga.e kuchh log

tārīkī meñ jeb apnī katarvā ga.e kuchh log

har roz mire shahr meñ hotā hai yahī khel

bijlī huī phir roz-e-guzishta kī tarah fel

ab paas ke hotel meñ bhī jaanā nahīñ mumkin

ahbāb se gap jā ke laḌānā nahīñ mumkin

had ye hai kalām apnā sunānā nahīñ mumkin

bijlī ke chale jaane se ab ghar bhī banā jail

bijlī huī phir roz-e-guzishta kī tarah fel

lo waqt hua raat ka aur aah nadarad

bijli abhi aai thi abhi wah nadarad

is tirgi mein hosh hai wallah nadarad

'asrar' andhere mein jo hai jhelna wo jhel

bijli hui phir roz-e-guzishta ki tarah fel

ghaeb hui bijli to hui fikr ki lo tez

logon ne usi waqt kya tanz ko mahmez

tum lakh karo apni tabiat ko suKHan-KHez

mumkin nahin us waqt taKHayyul ki munDhe bel

bijli hui phir roz-e-guzishta ki tarah fel

hamdam ne kaha aaj andhere mein hi khao

kuchh kiDe-makoDon ko bhi salan mein milao

be-KHarch maza murgh musallam ka uDao

ye lutf-o-karam jaan pe KHud apni gaya jhel

bijli hui phir roz-e-guzishta ki tarah fel

jab mom ki batti na hi Dhabri nazar aai

ek puri kitab ek nai copy hi jalai

tab ilm ki daulat se zara raushni pai

das bis kitabon ko jalaya ki na tha tel

bijli hui phir roz-e-guzishta ki tarah fel

ham-surat-e-mashuq-e-tarah-dar hai bijli

'asrar' ke ghar mein bhi pur-asrar hai bijli

har roz sar-e-sham hi bimar hai bijli

chalte hue yak-bargi ruk jati hai ye rail

bijli hui phir roz-e-guzishta ki tarah fel

ham-surat-e-mashuq-e-tarah-dar hai bijli

'asrar' ke ghar mein bhi pur-asrar hai bijli

har roz sar-e-sham hi bimar hai bijli

chalte hue yak-bargi ruk jati hai ye rail

bijli hui phir roz-e-guzishta ki tarah fel

bijli ke chale jaane se Takra gae kuchh log

cup chae ka sherwani pe chhalka gae kuchh log

tariki mein jeb apni katarwa gae kuchh log

har roz mere shahr mein hota hai yahi khel

bijli hui phir roz-e-guzishta ki tarah fel

ab pas ke hotel mein bhi jaana nahin mumkin

ahbab se gap ja ke laDana nahin mumkin

had ye hai kalam apna sunana nahin mumkin

bijli ke chale jaane se ab ghar bhi bana jail

bijli hui phir roz-e-guzishta ki tarah fel