chand jaanta hai

piñjra khulā

qufl TūTne kī āvāz

ik aisā giit banī

jo sadiyoñ baad lauTne vaalī ḳhushī pe gaayā jaa.e

āzād kiye jā chuke ho

muqayyad rahnā manzil nahīñ

shādmānī ke saare sur

tumhāre paroñ se nikalte haiñ

tumhāre qabīle kī ik ḳhushbū

udāsī zeb-e-tan kiye

bhaTak rahī hai

ye qaus-o-quzah se rangīn ufuq

sadā.eñ de rahe haiñ

betāb nigāheñ

jānib-e-falak

mohabbat ke pairāhan sajā.e

muntazir haiñ

āsmān-e-ulfat

apnī āġhosh-e-mādarī meñ lene ko betāb hai

tumhāre dīdār kī hasrat meñ

dahaktī huī

raah taktī āñkheñ

is dilkash manzar meñ khonā chāhtī haiñ

jab tum in se mahv-e-kalām ho

shab ke āḳhirī pahar

kisī bhaTke hue parinde kī

pur-soz sargoshī

aur us kī uḌaan kā dukh

chāñd jāntā hai

pinjra khula

qufl TuTne ki aawaz

ek aisa git bani

jo sadiyon baad lauTne wali KHushi pe gaya jae

aazad kiye ja chuke ho

muqayyad rahna manzil nahin

shadmani ke sare sur

tumhaare paron se nikalte hain

tumhaare qabile ki ek KHushbu

udasi zeb-e-tan kiye

bhaTak rahi hai

ye qaus-o-quzah se rangin ufuq

sadaen de rahe hain

betab nigahen

jaanib-e-falak

mohabbat ke pairahan sajae

muntazir hain

aasman-e-ulfat

apni aaghosh-e-madari mein lene ko betab hai

tumhaare didar ki hasrat mein

dahakti hui

rah takti aankhen

is dilkash manzar mein khona chahti hain

jab tum in se mahw-e-kalam ho

shab ke aaKHiri pahar

kisi bhaTke hue parinde ki

pur-soz sargoshi

aur us ki uDan ka dukh

chand jaanta hai