chand aansu

ġhazal sadāoñ kā ek jangal

taras rahā hai

buland-o-bālā ghanere bargad kī shāḳh-dar-shāḳh

sansanāhaT ke zamzamoñ ko ki dar-haqīqat

buland-o-bālā ghanere bargad kī infirādī tanāvarī ko

fanā kī dīmak nigal ga.ī hai

ġhazal jo urdu adab ke barr-e-saġhīr par thī

na.e taqāzoñ na.e salīqoñ kā ik himāla-sifat sarāpā

vo apnī choTī se munqata.a hai

ki ab vo choTī nahīñ rahī hai

ġhazal kī is aabrū ke badle

bas ab to yādoñ kī ḳhalvatoñ meñ

sulagtī sochoñ meñ saañs lete

chand ik fasāne

matā.a-e-ahbāb rah ga.e haiñ

vo chand barsoñ kī ik rifāqat

jo rasm-o-rah ke

aTuuT sangam meñ Dhal chukī thī

bas ek lamhe kī tund karvaT ne chhīn lī hai

harīm-e-dil

karb-gāh-e-iz.hār ban ga.ī hai

laboñ pe ab mohr-e-ḳhāmushī hai

kise sunā.eñ vo dil kī dhaḌkan

jise javāboñ kā iltifāt-e-shu.ūr-añgez

be-mahābā jhiñjhoḌ kar

us kī fikriyātī amiiq partoñ meñ soī soī sī

rūh-e-ehsās ko jagā.e

junūñ ko mahmez-e-ġham dikhā.e

parind-e-taḳh.īl ko uḌaa.e

ḳhalā kī iqlīm kā musāfir

jahāñ vo uTh kar chalā gayā hai

vahāñ ḳhalā kā savāl kyā hai

ḳhalā to ab us ke pīchhe pīchhe hī rah gayā hai

jahāñ ham aise faqīr tahlīl ho ke 'rāhī'

vajūd bhī apnā kho chuke haiñ

bahut mukāfāt-e-be-vajūdī ko ro chuke haiñ

ghazal sadaon ka ek jangal

taras raha hai

buland-o-baala ghanere bargad ki shaKH-dar-shaKH

sansanahaT ke zamzamon ko ki dar-haqiqat

buland-o-baala ghanere bargad ki infiradi tanawari ko

fana ki dimak nigal gai hai

ghazal jo urdu adab ke barr-e-saghir par thi

nae taqazon nae saliqon ka ek himala-sifat sarapa

wo apni choTi se munqata hai

ki ab wo choTi nahin rahi hai

ghazal ki is aabru ke badle

bas ab to yaadon ki KHalwaton mein

sulagti sochon mein sans lete

chand ek fasane

mataa-e-ahbab rah gae hain

wo chand barson ki ek rifaqat

jo rasm-o-rah ke

aTuT sangam mein Dhal chuki thi

bas ek lamhe ki tund karwaT ne chhin li hai

harim-e-dil

karb-gah-e-izhaar ban gai hai

labon pe ab mohr-e-KHamushi hai

kise sunaen wo dil ki dhaDkan

jise jawabon ka iltifat-e-shuur-angez

be-mahaba jhinjhoD kar

us ki fikriyati amiq parton mein soi soi si

ruh-e-ehsas ko jagae

junun ko mahmez-e-gham dikhae

parind-e-taKHil ko uDae

KHala ki iqlim ka musafir

jahan wo uTh kar chala gaya hai

wahan KHala ka sawal kya hai

KHala to ab us ke pichhe pichhe hi rah gaya hai

jahan hum aise faqir tahlil ho ke 'rahi'

wajud bhi apna kho chuke hain

bahut mukafat-e-be-wajudi ko ro chuke hain