chand buDhi nazMein

1

potī se daadī banñe ke lambe safar meñ

aisā koī paḌāv nahīñ aaya thā jis par

ruk ke taaza dam hone kī

sūkhī soñdhī payāl pe paḌ ke

mīThe mīThe sapnoñ meñ so jaane kī mohlat miltī

ab manzil par aa ke thak ke chuur paḌī vo

mīThe sapnoñ meñ so jaane kī koshish

karte karte kyā behāl huī jaatī hai

khāñs khāñs ke saarī raat guzar jaatī hai

2

bhare-pure mahloñ jaise is ghar kā

ik ik kamra

apne apne naam se ab reserve karā rakkhā hai sabhoñ ne

vo jo barsātī meñ biitī yādeñ oḌh ke leTā

apne din gintā hai

name plate pe ghar ke usī būḌhe kā naam

likhā huā hai baḌe baḌe harfoñ meñ

3

rasta bilkul saaf hai

puḳhta sīdhī saḌak hai

niile vaale baaġh ke phūloñ se milne rozāna

jaayā jā saktā hai lekin kaise

soch ke hī pairoñ meñ aiñThan hone lagtī hai

aur dam be-dam hone lagtā hai

4

betābi se DhūñD rahā hai kaise pā.egā ab

vo sab kuchh jo chhoḌ gayā thā

na.e na.e sāmānoñ se ghar chhat tak aTā paḌā hai

pahle jo rakkhā thā yahāñ vo un meñ dab kar

TuuT ke chaknā-chūr huā yā koī kabāḌī

saste dāmoñ le ke gayā ye kaun batā.e

taal pe us ke laa.e hue stereo music system ke

sab thirak rahe haiñ

aise shor-sharābe meñ ab us kī kaun sunegā

pahle ghar vāloñ se i s D par

mintoñ kā hī rābta ik qaa.em to ho jaatā thā

1

poti se dadi banne ke lambe safar mein

aisa koi paDaw nahin aaya tha jis par

ruk ke taza dam hone ki

sukhi sondhi payal pe paD ke

miThe miThe sapnon mein so jaane ki mohlat milti

ab manzil par aa ke thak ke chur paDi wo

miThe sapnon mein so jaane ki koshish

karte karte kya behaal hui jati hai

khans khans ke sari raat guzar jati hai

2

bhare-pure mahlon jaise is ghar ka

ek ek kamra

apne apne nam se ab reserwe kara rakkha hai sabhon ne

wo jo barsati mein biti yaaden oDh ke leTa

apne din ginta hai

name plate pe ghar ke usi buDhe ka nam

likha hua hai baDe baDe harfon mein

3

rasta bilkul saf hai

puKHta sidhi saDak hai

nile wale bagh ke phulon se milne rozana

jaya ja sakta hai lekin kaise

soch ke hi pairon mein ainThan hone lagti hai

aur dam be-dam hone lagta hai

4

betabi se DhunD raha hai kaise paega ab

wo sab kuchh jo chhoD gaya tha

nae nae samanon se ghar chhat tak aTa paDa hai

pahle jo rakkha tha yahan wo un mein dab kar

TuT ke chakna-chur hua ya koi kabaDi

saste damon le ke gaya ye kaun batae

tal pe us ke lae hue stereo music system ke

sab thirak rahe hain

aise shor-sharabe mein ab us ki kaun sunega

pahle ghar walon se i s D par

minton ka hi rabta ek qaem to ho jata tha