chandu ki fariyaad

suno pyāre bhayyā suno pyārī bahnā

ḳhudā ke liye mujh ko chandū na kahnā

ye sab jaan jaa.eñ nahīñ ab maiñ chhoTā

gyārah baras kā huuñ maiñ ek laḌkā

ulaT naam le kar na mujh ko bulā.eñ

kabhī thā jo chandū use bhuul jaa.eñ

bhalā ab maiñ kartā huuñ bachchoñ sī harakat?

kabhī maiñ ne kī bachpane sī sharārat?

ki ab shauq se maiñ huuñ schōl jaatā

jahāñ se nayā dars huuñ roz paatā

batāyā hai mujh ko ye ustād ne hī

ki aa.e nahūsat ulaT naam se bhī

mirā naam aḳhtar hai itnā jo pyārā

mujhe aap chandū kaheñ mat ḳhudārā

suno pyare bhayya suno pyari bahna

KHuda ke liye mujh ko chandu na kahna

ye sab jaan jaen nahin ab main chhoTa

gyarah baras ka hun main ek laDka

ulaT nam le kar na mujh ko bulaen

kabhi tha jo chandu use bhul jaen

bhala ab main karta hun bachchon si harakat?

kabhi main ne ki bachpane si shararat?

ki ab shauq se main hun school jata

jahan se naya dars hun roz pata

bataya hai mujh ko ye ustad ne hi

ki aae nahusat ulaT nam se bhi

mera nam aKHtar hai itna jo pyara

mujhe aap chandu kahen mat KHudara