charKHe ka qissa

chandā māmūñ chandā māmūñ

mujh ko zarā ye samjhāo

jab ham chhoTe bachche the

daadī se kahānī sunte the

ki chāñd pe buḌhiyā rahtī thī

vo charḳhā kaatā kartī thī

ham kachche ḳhvāboñ meñ aksar

vo buḌhiyā dekhā karte the

aur phir ye sochā karte the

vo buḌhiyā kitnī pyārī hai

jo ḳhvāb meñ aksar aatī hai

aur pyaar se lorī gaatī hai

aur merā jī bahlātī hai

charḳhe kā qissa sunātī hai

chandā māmūñ chandā māmūñ

ye baat tumhī ab batlāo

ab ye uljhan bhī suljhāo

vo buḌhiyā ab bhī dikhlāo

jo vaqt kī āñdhī ne yak-dam

nazroñ se ojhal kardī hai

kyoñ DhūñDne se miltī hī nahīñ

kyā saare qisse bhuul ga.ī

kyā muñh pherā aur ruuTh ga.ī

yā ham insānoñ ne us ko

ḳhud chāñd-badar kar Daalā hai

chandā māmūñ dukh se bole

ye vaqt kī kaisī karvaT hai

insāñ ne zamīñ ko dhuñdlāyā

phir chāñd ko bhī hai gahnāyā

buḌhiyā ke nishān miTāne ko

vo chāñd talak bhī hai aaya

chanda mamun chanda mamun

mujh ko zara ye samjhao

jab hum chhoTe bachche the

dadi se kahani sunte the

ki chand pe buDhiya rahti thi

wo charKHa kata karti thi

hum kachche KHwabon mein aksar

wo buDhiya dekha karte the

aur phir ye socha karte the

wo buDhiya kitni pyari hai

jo KHwab mein aksar aati hai

aur pyar se lori gati hai

aur mera ji bahlati hai

charKHe ka qissa sunati hai

chanda mamun chanda mamun

ye baat tumhi ab batlao

ab ye uljhan bhi suljhao

wo buDhiya ab bhi dikhlao

jo waqt ki aandhi ne yak-dam

nazron se ojhal kardi hai

kyon DhunDne se milti hi nahin

kya sare qisse bhul gai

kya munh phera aur ruTh gai

ya hum insanon ne us ko

KHud chand-badar kar Dala hai

chanda mamun dukh se bole

ye waqt ki kaisi karwaT hai

insan ne zamin ko dhundlaya

phir chand ko bhi hai gahnaya

buDhiya ke nishan miTane ko

wo chand talak bhi hai aaya