chaukor bandar ki chhalang

chaukor bandar kī chhalāñg se sab hairat meñ paḌ ga.e

dūsre bandar to chhalāñgeñ lagāyā hī karte the

lekin kisī chaukor bandar ne aaj tak chhalāñg nahīñ lagā.ī thī

sab ne yak-zabān ho kar kahā

chaukor bandar ham sab meñ afzal hai

kyūñki chhalāñg to ham sab lagā lete haiñ

lekin vo chaukor bhī hai

aur un meñ sab ek jo zyāda samajh buujh rakhtā thā bolā

kyā tum dekhte nahīñ

ki chaukor shakl hī sab se achchhī shakl hai

kyūñki is meñ chaar pahlū hote haiñ

jo chaar jihatoñ kī nishān-dahī karte haiñ

aur chaar zāviye hote haiñ

jo chaar mausamoñ kī alāmat haiñ

aur sab ne kahā haañ aisā hī hai

to phir vo sab chaukor bandar ke gird jam.a ho ga.e

aur der tak aqīdat se use dekhte rahe

chaukor bandar ki chhalang se sab hairat mein paD gae

dusre bandar to chhalangen lagaya hi karte the

lekin kisi chaukor bandar ne aaj tak chhalang nahin lagai thi

sab ne yak-zaban ho kar kaha

chaukor bandar hum sab mein afzal hai

kyunki chhalang to hum sab laga lete hain

lekin wo chaukor bhi hai

aur un mein sab ek jo zyaada samajh bujh rakhta tha bola

kya tum dekhte nahin

ki chaukor shakl hi sab se achchhi shakl hai

kyunki is mein chaar pahlu hote hain

jo chaar jihaton ki nishan-dahi karte hain

aur chaar zawiye hote hain

jo chaar mausamon ki alamat hain

aur sab ne kaha han aisa hi hai

to phir wo sab chaukor bandar ke gird jama ho gae

aur der tak aqidat se use dekhte rahe