chiDiyan

ye jhuuT hai

ki karāchī meñ

bārish ke ba.ad nikalne vaalī

ghaas kī koñpleñ

gahrī sabz aur narm nahīñ hotīñ

yā ye ki daraḳht

bādaloñ kī madad ke baġhair

saaya farāham nahīñ karte

ye bhī jhuuT hai

ki yahāñ ḳhargoshoñ kī āñkheñ

añdhere meñ nahīñ chamaktīñ

aur gilahriyāñ

bādām aur āḳhroT ke chhilkoñ se

nahīñ khultīñ

yā ye ki hathelī par rakhne se

bair-bahūTiyāñ zard paḌ jaatī haiñ

saañp apne hisse kā duudh

kāġhzī azdahoñ ke liye chhoḌ jaate haiñ

hamāre alāva

karāchī meñ chiḌiyāñ bhī rahtī haiñ

jo goliyoñ kī āvāz aur dhamākoñ ke bāvajūd

daraḳhtoñ par se uḌtī haiñ dīvāroñ par baiThtī haiñ

kahīñ na kahīñ jam.a ho kar

bilā-nāġha duā.eñ māñgtī haiñ

yā hamārī taraf raat bhar

apne apne Thikāne meñ chhupī rahtī haiñ

aur sub.h hone tak

bāhar nahīñ nikaltīñ

ye jhuT hai

ki karachi mein

barish ke baad nikalne wali

ghas ki konplen

gahri sabz aur narm nahin hotin

ya ye ki daraKHt

baadalon ki madad ke baghair

saya faraham nahin karte

ye bhi jhuT hai

ki yahan KHargoshon ki aankhen

andhere mein nahin chamaktin

aur gilahriyan

baadam aur aaKHroT ke chhilkon se

nahin khultin

ya ye ki hatheli par rakhne se

bair-bahuTiyan zard paD jati hain

sanp apne hisse ka dudh

kaghzi azdahon ke liye chhoD jate hain

hamare alawa

karachi mein chiDiyan bhi rahti hain

jo goliyon ki aawaz aur dhamakon ke bawajud

daraKHton par se uDti hain diwaron par baiThti hain

kahin na kahin jama ho kar

bila-nagha duaen mangti hain

ya hamari taraf raat bhar

apne apne Thikane mein chhupi rahti hain

aur subh hone tak

bahar nahin nikaltin