chor darwaza khula rahta hai

mere ḳhvāb zaḳhmī hue

to duniyā ke saare zābte jhūTe lage

maiñ ne zindagī ke liye bhiik māñgī

magar ābād lamhoñ kī puujā ke liye

vaqt kabhī mere liye na rukā

mujhe west-pan se apnā.iyat mahsūs huī

log kāġhazoñ se bane khilaune the

jinheñ hamesha ḳhilāf-e-marzī nāchnā paḌā

bhīge sāhiloñ kī havā meñ ḳhuun hī ḳhuun thā

jhīloñ ke ābād kināre mujhe banjar kar ga.e

paanī par tairtā manzar daġhābāz niklā

maiñ muḳhālif samt bahtī kashtiyoñ meñ

ba-yak-vaqt savār ho gayā

bādal baras ga.e

to āsmān par dhuāñ rah gayā

maiñ ne ḳhud ko dhuveñ meñ uḌāyā

aur masrūfiyat se saudā kar liyā

mere KHwab zaKHmi hue

to duniya ke sare zabte jhuTe lage

main ne zindagi ke liye bhik mangi

magar aabaad lamhon ki puja ke liye

waqt kabhi mere liye na ruka

mujhe west-pan se apnaiyat mahsus hui

log kaghazon se bane khilaune the

jinhen hamesha KHilaf-e-marzi nachna paDa

bhige sahilon ki hawa mein KHun hi KHun tha

jhilon ke aabaad kinare mujhe banjar kar gae

pani par tairta manzar daghabaz nikla

main muKHalif samt bahti kashtiyon mein

ba-yak-waqt sawar ho gaya

baadal baras gae

to aasman par dhuan rah gaya

main ne KHud ko dhuwen mein uDaya

aur masrufiyat se sauda kar liya