dada ki chhaDi

walking ko chal paḌī hai

daadā kī ye chhaḌī hai

paḌtī hai jam ke haa.e

is se ḳhudā bachā.e

kuttoñ ko ye bhagā.e

hargiz na bhuul paa.e

jis par bhī ye paḌī hai

daadā kī ye chhaḌī hai

daadā baḌe nirāle

un ko bhī ye sañbhāle

har raah par chalā le

har ik balā ko Taale

daadā se ye baḌī hai

daadā kī ye chhaḌī hai

saudā isī kā sar meñ

har vaqt ye nazar meñ

daadā agar hoñ ghar meñ

tab ye nahīñ safar meñ

kone meñ ik khaḌī hai

daadā kī ye chhaḌī hai

khāne kī chiiz hai ye

behad lazīz hai ye

yuuñ bā-tamīz hai ye

in ko aziiz hai ye

daadā hī par paḌī hai

daadā kī ye chhaḌī hai

walking ko chal paḌī hai

daadā kī ye chhaḌī hai

walking ko chal paDi hai

dada ki ye chhaDi hai

paDti hai jam ke hae

is se KHuda bachae

kutton ko ye bhagae

hargiz na bhul pae

jis par bhi ye paDi hai

dada ki ye chhaDi hai

dada baDe nirale

un ko bhi ye sanbhaale

har rah par chala le

har ek bala ko Tale

dada se ye baDi hai

dada ki ye chhaDi hai

sauda isi ka sar mein

har waqt ye nazar mein

dada agar hon ghar mein

tab ye nahin safar mein

kone mein ek khaDi hai

dada ki ye chhaDi hai

khane ki chiz hai ye

behad laziz hai ye

yun ba-tamiz hai ye

in ko aziz hai ye

dada hi par paDi hai

dada ki ye chhaDi hai

walking ko chal paDi hai

dada ki ye chhaDi hai