dao

phir ghumāo

āḳhirī daao lagāo

kyā ḳhabar is baar āḳhir mil hī jaa.e

biis billion saal kī vo gum-shuda pūñjī mujhe

maiñ

maiñ kisī aise hī lamhe ke kināre

tujh se bichhḌā

vaqt kā chakkar ghumā kar

tū ne jab taqdīr se miTTī judā kī

aur maiñ ne

apnī miTTī se judā.ī

ye judā.ī

āñsuoñ meñ gūñdh kar

rakkhī huī hai chaak par

in biis billion saal meñ

is chaak par

maiñ ne banā.ī ek jannat

aur is jannat kī raunaq ek aurat

ghar meñ ab tak muntazir hai

raat kā pichhlā pahar hai

maiñ juā-ḳhāne meñ tanhā

zindagī kā āḳhirī daao lagāne jā rahā huuñ

roknā mat

terī jānib aa rahā huuñ

phir ghumao

aaKHiri dao lagao

kya KHabar is bar aaKHir mil hi jae

bis billion sal ki wo gum-shuda punji mujhe

main

main kisi aise hi lamhe ke kinare

tujh se bichhDa

waqt ka chakkar ghuma kar

tu ne jab taqdir se miTTi juda ki

aur main ne

apni miTTi se judai

ye judai

aansuon mein gundh kar

rakkhi hui hai chaak par

in bis billion sal mein

is chaak par

main ne banai ek jannat

aur is jannat ki raunaq ek aurat

ghar mein ab tak muntazir hai

raat ka pichhla pahar hai

main jua-KHane mein tanha

zindagi ka aaKHiri dao lagane ja raha hun

rokna mat

teri jaanib aa raha hun