darguzar

na chheḌ sāz-e-kuhan mehrbāñ huā so huā

sitam jo kuchh bhī tah-e-āsmāñ huā so huā

zamīn-o-charḳh ke sab hādse purāne haiñ

abas hai un kā dobāra bayāñ huā so huā

kahāñ shurūa huī rūdād ḳhatm hogī kahāñ

tavīl hai matn-e-dāstāñ huā so huā

gumān-o-vahm pe hai qasr-e-zīst kī buniyād

havā ke dosh pe bādal ravāñ huā so huā

fanā ke baad baqā kā hai jāñ-fazā muzhda

aTal hai ādat-e-daur-e-zamāñ huā so huā

na.e makān kī tāmīr-e-nau kī fikr karo

tabāh bijliyoñ se ḳhānumāñ huā so huā

suno bahār se mansūba-e-chaman-bandī

riyāz-e-dahr ḳharāb-e-ḳhizāñ huā so huā

vo dekho qāfile daulat-sarā-e-hastī ke

ravāna sū-e-adam kārvāñ huā so huā

na chheD saz-e-kuhan mehrban hua so hua

sitam jo kuchh bhi tah-e-asman hua so hua

zamin-o-charKH ke sab hadse purane hain

abas hai un ka dobara bayan hua so hua

kahan shurua hui rudad KHatm hogi kahan

tawil hai matn-e-dastan hua so hua

guman-o-wahm pe hai qasr-e-zist ki buniyaad

hawa ke dosh pe baadal rawan hua so hua

fana ke baad baqa ka hai jaan-faza muzhda

aTal hai aadat-e-daur-e-zaman hua so hua

nae makan ki tamir-e-nau ki fikr karo

tabah bijliyon se KHanuman hua so hua

suno bahaar se mansuba-e-chaman-bandi

riyaz-e-dahr KHarab-e-KHizan hua so hua

wo dekho qafile daulat-sara-e-hasti ke

rawana su-e-adam karwan hua so hua