canwas koi sada nahin

TūTtī reza reza simaTtī huī sā.atoñ kī

koī sat.h-e-sāda nahīñ

ek vaqfa kā dāman bhī dhabboñ se ḳhālī nahīñ

ye nazar kā nahīñ

asl meñ ik tazād-e-nazar kā karishma hai

varna ye aurāq-e-mahtāb bhī

jitne lagte haiñ ujle nahīñ

muñh khulī aur laḌkī huī raat se

lamha lamha bhabaktī huī raushnā.ī

bahut tez hai

raat ke ko.ele

jab shurūāt taqrīb ke dhīme dhīme sulagte alaav meñ

jalne lageñ us ghaḌī

aur jab beach ke marhale meñ dahakne lageñ us ghaḌī

aur jab ḳhatm taqrīb kī raakh meñ aañkh milne lageñ

is ghaḌī bhī safedī kā ḳhālis tasavvur nahīñ

apnī marzī kī be-dāġh tasvīr ke vāste

canvas koī saada nahīñ

TuTti reza reza simaTti hui saaton ki

koi sath-e-sada nahin

ek waqfa ka daman bhi dhabbon se KHali nahin

ye nazar ka nahin

asl mein ek tazad-e-nazar ka karishma hai

warna ye auraq-e-mahtab bhi

jitne lagte hain ujle nahin

munh khuli aur laDki hui raat se

lamha lamha bhabakti hui raushnai

bahut tez hai

raat ke koele

jab shuruat taqrib ke dhime dhime sulagte alaw mein

jalne lagen us ghaDi

aur jab beach ke marhale mein dahakne lagen us ghaDi

aur jab KHatm taqrib ki rakh mein aankh milne lagen

is ghaDi bhi safedi ka KHalis tasawwur nahin

apni marzi ki be-dagh taswir ke waste

canwas koi sada nahin