der-sawer to ho jati hai

darvāze pe jo āñkheñ haiñ

āñkhoñ meñ jo sapne haiñ

un sapnoñ meñ jo mūrat hai

vo merī hai

darvāze ke bāhar kyā hai

ik rasta hai

jis par merī yādoñ kā shahr basā hai

merā rasta dekhne vaalī un āñkhoñ kā jaal bichhā hai

mujhe patā hai

lekin un āñkhoñ ko kaise maiñ ye baat batā.ūñ

har raste pe itnī bhiiḌ chalnā mushkil ho jaatā hai

āvāzoñ ke is jañgal se bachnā mushkil ho jaatā hai

dukh kā aisā lamha aatā hai hañsnā mushkil ho jaatā hai

jab aise hālāt khaḌe hoñ

qadmoñ meñ zanjīr kī sūrat

raushniyoñ ke saa.e paḌe hoñ

aise meñ dil un āñkhoñ se

ek hī baat kahe jaatā hai

der-saver to ho jaatī hai

darwaze pe jo aankhen hain

aankhon mein jo sapne hain

un sapnon mein jo murat hai

wo meri hai

darwaze ke bahar kya hai

ek rasta hai

jis par meri yaadon ka shahr basa hai

mera rasta dekhne wali un aankhon ka jal bichha hai

mujhe pata hai

lekin un aankhon ko kaise main ye baat bataun

har raste pe itni bhiD chalna mushkil ho jata hai

aawazon ke is jangal se bachna mushkil ho jata hai

dukh ka aisa lamha aata hai hansna mushkil ho jata hai

jab aise haalat khaDe hon

qadmon mein zanjir ki surat

raushniyon ke sae paDe hon

aise mein dil un aankhon se

ek hi baat kahe jata hai

der-sawer to ho jati hai