dhup

badlī kī ghaTāoñ ko chiir kar

ham tumhāre liye dhuup le kar aa.e haiñ

buzurgoñ ne jo biijī thī virāsat kī

ham ḳhalish dhuup le kar aa.e haiñ

māyūsiyoñ kī ret meñ dab ga.ī phir

tarāsh kar ham vahī dhuup le kar aa.e haiñ

jo tā-'umr khile halkī piilī gulābī

ham 'ishq kī vo ḳhushnumā dhuup le kar aa.e haiñ

thā vaise añdheroñ kā bandobast magar

ham hausloñ kī dhuup le kar aa.e haiñ

ahl-e-chaman ko jo phir gulistāñ kar de

haañ ham nekī kī vahī dhuup le kar aa.e haiñ

badli ki ghaTaon ko chir kar

hum tumhaare liye dhup le kar aae hain

buzurgon ne jo biji thi wirasat ki

hum KHalish dhup le kar aae hain

mayusiyon ki ret mein dab gai phir

tarash kar hum wahi dhup le kar aae hain

jo ta-'umr khile halki pili gulabi

hum 'ishq ki wo KHushnuma dhup le kar aae hain

tha waise andheron ka bandobast magar

hum hauslon ki dhup le kar aae hain

ahl-e-chaman ko jo phir gulistan kar de

han hum neki ki wahi dhup le kar aae hain