dhup-nagar

dhuup nagar ke baasī haiñ ham dhuup kī pahre-dārī hai

dhūp-nagar meñ dhuup ke ḳheme dhuup kī hī gul-kārī hai

dhuup falak par dhuup fazā meñ dhuup zamīñ par raqsāñ hai

dhuup havāoñ kā pairāhan har sū dhuup par-afshāñ hai

dhuup kī shāḳheñ dhuup ke patte dhuup kī kaliyāñ dhuup ke phuul

dhuup kī ye nagrī hai anokhī dhūp-zada haiñ is ke usuul

dhuup suroñ par naach rahī hai dil meñ utartī jaatī hai

bechainī aur betābi ke jalte giit sunātī hai

dhuup ne insānī zehnoñ meñ angāre dahkā.e haiñ

dhuup ne fikr-o-nazar meñ jaise sho.ale se bhaḌkā.e haiñ

dhūp-nagar meñ amn-o-sukūñ ke badle jang kī bāteñ haiñ

qatl-o-ġhārat ḳhuun aur lāsheñ dhuup kī hī sauġhāteñ haiñ

kyā jaane kab bādal aa.eñ kab chhā.e sāvan kī ghaTā

kab badle ye dhuup kā mausam lahrā.e sāvan kī havā

dhup nagar ke basi hain hum dhup ki pahre-dari hai

dhup-nagar mein dhup ke KHeme dhup ki hi gul-kari hai

dhup falak par dhup faza mein dhup zamin par raqsan hai

dhup hawaon ka pairahan har su dhup par-afshan hai

dhup ki shaKHen dhup ke patte dhup ki kaliyan dhup ke phul

dhup ki ye nagri hai anokhi dhup-zada hain is ke usul

dhup suron par nach rahi hai dil mein utarti jati hai

bechaini aur betabi ke jalte git sunati hai

dhup ne insani zehnon mein angare dahkae hain

dhup ne fikr-o-nazar mein jaise shoale se bhaDkae hain

dhup-nagar mein amn-o-sukun ke badle jang ki baaten hain

qatl-o-ghaarat KHun aur lashen dhup ki hi saughaten hain

kya jaane kab baadal aaen kab chhae sawan ki ghaTa

kab badle ye dhup ka mausam lahrae sawan ki hawa