diwali ka sapna

dīvālī manānā aaj bhī

'aam baat nahīñ hai sab ke liye

hamāre liye aaj bhī ye

sapnoñ ke jaisā hai

na sar par baap ka saayā hai

aur na maañ ke paas itne paise haiñ ki

ham ko paTāḳhe dilā sake

maiñ plastic kī thailiyoñ meñ

muñh se havā bhartā huuñ

phir vo thailiyāñ phoḌtā huuñ

ḳhush hotī haiñ merī bahneñ

maañ mere liye har saal shirt letī hai

par bahnoñ ke liye banā detī hai

kuchh na kuchh apnī purānī saaḌī se

apne liye ka.ī sāloñ tak

kuchh nahīñ vo kuchh bhī nahīñ letī

aisī hotī hai hamārī dīvālī

phir bhī ham karte haiñ intizār

jis meñ rastoñ kī sajāvaT

amīroñ ke phūTte paTāḳhe

mahñgī lazīz miThā.iyāñ

saje bāzār meñ biktī mahñgī chīzeñ

bāzāroñ meñ TūTte ḳharīdār

shāyad yahī hamārī ḳhvāhish hai

shāyad ham paidā hī hue haiñ

ḳhvāb dekhne ke liye

aglī dīvālī ke intizār ke liye

diwali manana aaj bhi

'am baat nahin hai sab ke liye

hamare liye aaj bhi ye

sapnon ke jaisa hai

na sar par bap ka saya hai

aur na man ke pas itne paise hain ki

hum ko paTaKHe dila sake

main plastic ki thailiyon mein

munh se hawa bharta hun

phir wo thailiyan phoDta hun

KHush hoti hain meri bahnen

man mere liye har sal shirt leti hai

par bahnon ke liye bana deti hai

kuchh na kuchh apni purani saDi se

apne liye kai salon tak

kuchh nahin wo kuchh bhi nahin leti

aisi hoti hai hamari diwali

phir bhi hum karte hain intizar

jis mein raston ki sajawaT

amiron ke phuTte paTaKHe

mahngi laziz miThaiyan

saje bazar mein bikti mahngi chizen

bazaron mein TuTte KHaridar

shayad yahi hamari KHwahish hai

shayad hum paida hi hue hain

KHwab dekhne ke liye

agli diwali ke intizar ke liye