dil-e-betab Thahar

us se milne de nigāheñ dil-e-betāb Thahar

ishq kī khilne de rāheñ dil-e-betāb Thahar

koī dam meñ nigah-e-yār hai uThne vaalī

ho na jaa.e dil-e-betāb tirī pāmālī

dekhī jā.egī na phir terī pareshāñ-hālī

tū ne furqat meñ taḌapne kī qasam kyoñ khā lī

dil-e-betāb Thahar ai dil-e-betāb Thahar

us se iz.hār-e-tamannā to zarā karne de

vo jafā-jū hai jafā-gar hai jafā karne de

us ko karne bhī de majrūh-e-adā karne de

kyoñ karūñ tark-e-vafā mujh ko vafā karne de

dil-e-betāb Thahar ai dil-e-betāb Thahar

mastī-e-husn kā jī bhar ke nazārā kar luuñ

ḳhūgar-e-dard huuñ jiine kā sahārā kar luuñ

ġham judā.ī ke ba-sad-shauq gavārā kar luuñ

muztar-e-ishq huuñ kuchh zabt kā yaarā kar luuñ

dil-e-betāb Thahar ai dil-e-betāb Thahar

us se milne de nigāheñ dil-e-betāb Thahar

ishq kī khulne de rāheñ dil-e-betāb Thahar

us se milne de nigahen dil-e-betab Thahar

ishq ki khilne de rahen dil-e-betab Thahar

koi dam mein nigah-e-yar hai uThne wali

ho na jae dil-e-betab teri pamali

dekhi jaegi na phir teri pareshan-haali

tu ne furqat mein taDapne ki qasam kyon kha li

dil-e-betab Thahar ai dil-e-betab Thahar

us se izhaar-e-tamanna to zara karne de

wo jafa-ju hai jafa-gar hai jafa karne de

us ko karne bhi de majruh-e-ada karne de

kyon karun tark-e-wafa mujh ko wafa karne de

dil-e-betab Thahar ai dil-e-betab Thahar

masti-e-husn ka ji bhar ke nazara kar lun

KHugar-e-dard hun jine ka sahaara kar lun

gham judai ke ba-sad-shauq gawara kar lun

muztar-e-ishq hun kuchh zabt ka yara kar lun

dil-e-betab Thahar ai dil-e-betab Thahar

us se milne de nigahen dil-e-betab Thahar

ishq ki khulne de rahen dil-e-betab Thahar