dil-e-fasana-gar

fasāna-gar hai dil mirā

azal se muntazir hai

kab saje phir ek baar

dasht-e-kahkashāñ meñ vo suḳhan-sarā.iyoñ kī shab

safar se pahle māhtāb chheḌ de koī ġhazal

ġhazal jo gungunāne par na puurī yaad aa sake

ye hijr-e-tez-gām hai

badan kī silk Dhal rahī hai ret sī

ye raushnī pighal rahī hai ret sī

sitāre reg reg haiñ

ye sabz niile zard taare ghūrte haiñ mujh ko yuuñ

ki jaise mere qurmuzī firāq ne kiyā unheñ ravāñ ravāñ

ḳhalā.eñ mere har taraf

ḳhalā.eñ saat jihat ghūmtī huī

ḳhalā.eñ bārishoñ kī lai pe jhūmtī huī

magar ḳhalā meñ bārisheñ kahāñ

to phir ye kyā hai bārishoñ ke shor sā

ḳhalā ke ban meñ nāchtā hai mor sā

vo mujh ko mere aa.ine meñ chhup ke dekhtā hai kyā

dil-e-fasāna-gar batā duī kī ektā hai kyā

fasana-gar hai dil mera

azal se muntazir hai

kab saje phir ek bar

dasht-e-kahkashan mein wo suKHan-saraiyon ki shab

safar se pahle mahtab chheD de koi ghazal

ghazal jo gungunane par na puri yaad aa sake

ye hijr-e-tez-gam hai

badan ki silk Dhal rahi hai ret si

ye raushni pighal rahi hai ret si

sitare reg reg hain

ye sabz nile zard tare ghurte hain mujh ko yun

ki jaise mere qurmuzi firaq ne kiya unhen rawan rawan

KHalaen mere har taraf

KHalaen sat jihat ghumti hui

KHalaen barishon ki lai pe jhumti hui

magar KHala mein barishen kahan

to phir ye kya hai barishon ke shor sa

KHala ke ban mein nachta hai mor sa

wo mujh ko mere aaine mein chhup ke dekhta hai kya

dil-e-fasana-gar bata dui ki ekta hai kya