dil-e-yas KHu

ye sub.h ab bhī hai itnī rangīñ

isī lagan se latīf kirnoñ kā jaal ab bhī

bichhā rahā hai hasīn sūraj

luTā rahī hai

ye sandhyā ab bhī siñdūr har-sū

ye chāñd ab bhī miThās dhartī ko de rahā hai

bikherte haiñ shamīm dil-kash nasīm ke jāñ-navāz jhoñke

vishāl ākāsh meñ dhanak kī ziyā kā jaadū nikhar gayā hai

magar ye saare manāzir-e-dil-fareb mere athāh ġham ko miTā na paa.e

udaas haiñ zehn-o-qalb aur yaas ek bandhan sā ban ga.ī hai

ki bujh ga.ī haiñ vafā kī sham'eñ

udaas din haiñ udaas rāteñ

ho jis tarah koī tiira jangal

ki jis kā sannāTā dil ke Dasne ko sar uThā.e

ye subh ab bhi hai itni rangin

isi lagan se latif kirnon ka jal ab bhi

bichha raha hai hasin suraj

luTa rahi hai

ye sandhya ab bhi sindur har-su

ye chand ab bhi miThas dharti ko de raha hai

bikherte hain shamim dil-kash nasim ke jaan-nawaz jhonke

wishaal aakash mein dhanak ki ziya ka jadu nikhar gaya hai

magar ye sare manazir-e-dil-fareb mere athah gham ko miTa na pae

udas hain zehn-o-qalb aur yas ek bandhan sa ban gai hai

ki bujh gai hain wafa ki sham'en

udas din hain udas raaten

ho jis tarah koi tera jangal

ki jis ka sannaTa dil ke Dasne ko sar uThae