دل کہتا ہے دور چلیں
اب اتنی دور چلیں کہ پیچھے آنے والی
آوازوں کا شور سنائی دے نہ پائے
اتنی دور چلیں کہ ہر چہرہ دھندلا پڑ جائے آنکھیں پیچھے مڑ کر دیکھ نہ
پائیں دل کہتا ہے اتنا روئیں ساری وحشت آنکھوں کے رستے بہہ جائے آنسو
دکھ اور درد کے آمیزے سے درد علیحدہ کر کے پھینک دیں اور ذرا سا دکھ رکھ
لیں ہم آنسو تو پھر آ جاتے ہیں دل کہتا ہے خواب نہ دیکھیں بے سدھ ہو کر رات
گزاریں صبح اٹھیں اور سورج کی اس پہلی کرن کا چہرہ دیکھیں جس نے رات کو
فتح کیا ہے دل کہتا ہے خوب ہنسیں اور اتنا ہنسیں کہ آنکھوں میں آنسو
آ جائیں اتنا ہنسیں کمرہ بھر جائے دل کہتا ہے ساحل کی موجوں سے کھیلیں ایک
اک لہر پہ پاؤں دھریں اور چلتے جائیں جتنی دور سمندر کی لہریں لے جائیں
اور کبھی نہ لوٹ کے آئیں دل کہتا ہے تیرے پاؤں پہ سر رکھ دیں ہم اپنے
بالوں پر تیرے ہاتھوں کے لمس سے جینا سیکھیں دنیا کے سب دکھ اور درد
بھلا دیں صرف تجھے دیکھیں اور اپنی عمر بتائیں دل کہتا ہے
