dil kahta hai dur chalen

dil kahtā hai duur chaleñ

ab itnī duur chaleñ ki pīchhe aane vaalī

āvāzoñ kā shor sunā.ī de na paa.e

itnī duur chaleñ ki har chehra dhuñdlā paḌ jaa.e āñkheñ pīchhe muḌ kar dekh na

paa.eñ dil kahtā hai itnā ro.eñ saarī vahshat āñkhoñ ke raste bah jaa.e aañsū

dukh aur dard ke āmeze se dard alaihada kar ke pheñk deñ aur zarā sā dukh rakh

leñ ham aañsū to phir aa jaate haiñ dil kahtā hai ḳhvāb na dekheñ be-sudh ho kar raat

guzāreñ sub.h uTheñ aur sūraj kī us pahlī kiran kā chehra dekheñ jis ne raat ko

fat.h kiyā hai dil kahtā hai ḳhuub hañseñ aur itnā hañseñ ki āñkhoñ meñ aañsū

aa jaa.eñ itnā hañseñ kamra bhar jaa.e dil kahtā hai sāhil kī maujoñ se kheleñ ek

ik lahr pe paañv dhareñ aur chalte jaa.eñ jitnī duur samandar kī lahreñ le jaa.eñ

aur kabhī na lauT ke aa.eñ dil kahtā hai tere paañv pe sar rakh deñ ham apne

bāloñ par tere hāthoñ ke lams se jiinā sīkheñ duniyā ke sab dukh aur dard

bhulā deñ sirf tujhe dekheñ aur apnī umr bitā.eñ dil kahtā hai

dil kahta hai dur chalen

ab itni dur chalen ki pichhe aane wali

aawazon ka shor sunai de na pae

itni dur chalen ki har chehra dhundla paD jae aankhen pichhe muD kar dekh na

paen dil kahta hai itna roen sari wahshat aankhon ke raste bah jae aansu

dukh aur dard ke aameze se dard alaihada kar ke phenk den aur zara sa dukh rakh

len hum aansu to phir aa jate hain dil kahta hai KHwab na dekhen be-sudh ho kar raat

guzaren subh uThen aur suraj ki us pahli kiran ka chehra dekhen jis ne raat ko

fath kiya hai dil kahta hai KHub hansen aur itna hansen ki aankhon mein aansu

aa jaen itna hansen kamra bhar jae dil kahta hai sahil ki maujon se khelen ek

ek lahr pe panw dharen aur chalte jaen jitni dur samandar ki lahren le jaen

aur kabhi na lauT ke aaen dil kahta hai tere panw pe sar rakh den hum apne

baalon par tere hathon ke lams se jina sikhen duniya ke sab dukh aur dard

bhula den sirf tujhe dekhen aur apni umr bitaen dil kahta hai