din guzarta nazar nahin aata

din guzartā nazar nahīñ aatā

raat kaaTe nahīñ kaTtī

raat aur din ke is tasalsul meñ

umr bāñTe se bhī nahīñ baTtī

terī āvāz meñ taare se kyoñ chamakne lage

kis kī āñkhoñ ke tarannum ko churā laa.ī hai

kis kī āġhosh kī ThanDak pe Daakā Daalā hai

kis kī bāñhoñ se tū shabnam ko uThā laa.ī hai

din bahar-hāl bahar-taur guzar jaatā hai

shaam aatī hai to ajab rang le ke aatī hai

ek tanhā.ī jo maut kī tarah ḳhāmosh

har na.ī shaam nayā bhes badal aatī hai

haañ koī aur hogā tū ne jo dekhā hogā

ham nahīñ aag se bach bach ke guzarne vaale

sahar nasīb meñ ho to sahar milegī zarūr

vagarna zindagī kaT jā.egī bas raat kī raat

na intizār na aahaT na tamannā na umiid

zindagī hai ki yuuñ behis hotī jaatī hai

din guzarta nazar nahin aata

raat kaTe nahin kaTti

raat aur din ke is tasalsul mein

umr banTe se bhi nahin baTti

teri aawaz mein tare se kyon chamakne lage

kis ki aankhon ke tarannum ko chura lai hai

kis ki aaghosh ki ThanDak pe Daka Dala hai

kis ki banhon se tu shabnam ko uTha lai hai

din bahar-haal bahar-taur guzar jata hai

sham aati hai to ajab rang le ke aati hai

ek tanhai jo maut ki tarah KHamosh

har nai sham naya bhes badal aati hai

han koi aur hoga tu ne jo dekha hoga

hum nahin aag se bach bach ke guzarne wale

sahar nasib mein ho to sahar milegi zarur

wagarna zindagi kaT jaegi bas raat ki raat

na intizar na aahaT na tamanna na umid

zindagi hai ki yun behis hoti jati hai