diye aankhon ki surat bujh chuke hain

vasl ke lamhoñ kī gintī karne vaale haath hiddat se tahī haiñ

mauj meñ aa.e hue dariyā meñ kashtī kaun Daale

māñjhiyoñ ke giit lahroñ kī tarah sāhil kī bhīgī ret par bikhre hue haiñ

ab kisī buḌhiyā kī gaThrī koī ahl-e-dil uThā kar bastiyoñ kā ruḳh nahīñ kartā

kisī ham-sā.e se ahvāl-e-dil ma.alūm karnā kār-e-be-ujrat huā hai

nafsī nafsī kī havā.eñ zaat ke tārīk jañgal meñ baḌī āsūdgī se chal rahī haiñ

ḳhāna-e-dil meñ vafāoñ ke diye āñkhoñ kī sūrat bujh chuke haiñ

bhiiḌ meñ rasta nahīñ miltā charāġhoñ kī qatāroñ meñ charāġh-e-gul nahīñ miltā ki jis par raushnī kā gul khilā ho

vasl ke lamhoñ meñ rañg-e-nūr bharne vaalī āñkheñ apnī narmī se tahī haiñ

vasl ke lamhoñ meñ rañg-e-ishq bharne vaalī poreñ apnī garmī se tahī haiñ

wasl ke lamhon ki ginti karne wale hath hiddat se tahi hain

mauj mein aae hue dariya mein kashti kaun Dale

manjhiyon ke git lahron ki tarah sahil ki bhigi ret par bikhre hue hain

ab kisi buDhiya ki gaThri koi ahl-e-dil uTha kar bastiyon ka ruKH nahin karta

kisi ham-sae se ahwal-e-dil malum karna kar-e-be-ujrat hua hai

nafsi nafsi ki hawaen zat ke tarik jangal mein baDi aasudgi se chal rahi hain

KHana-e-dil mein wafaon ke diye aankhon ki surat bujh chuke hain

bhiD mein rasta nahin milta charaghon ki qataron mein charagh-e-gul nahin milta ki jis par raushni ka gul khila ho

wasl ke lamhon mein rang-e-nur bharne wali aankhen apni narmi se tahi hain

wasl ke lamhon mein rang-e-ishq bharne wali poren apni garmi se tahi hain