Dor sanson ki

darvāze se Takrā kar

andar aatī havāoñ meñ zindagī thī

us se inkār kī qīmat kisī ne nahīñ pūchhī

bas phephaḌoñ ne ḳhud ko taqsīm kar diyā

maiñ saañs lenā chāhtā huuñ

khulī fazā meñ

lekin bhar chukā hai zahr

merī duā meñ

vo sab mil kar dhakelte haiñ mujhe

ġhāroñ meñ

jahāñ merā pathrāyā huā badan

merā ḳhuun māñgtā hai

jis meñ tairte haiñ ghuTan ke bulbule

phaTte haiñ mere jazboñ kī tarah

āvāz kisī drone kī

jo dhīmī aur mohlik hai

uchhāl detī hai

numūdār hone vaalī lakīroñ kī taraf

jin kī atrāf meñ ghuTan

pāgal-pan meñ har shai taqsīm kartī hai

taqsīm kartī hai phephḌe

jinheñ apnī sāñsoñ kī Dor se

bāñdhnā chāhtā huuñ

darwaze se Takra kar

andar aati hawaon mein zindagi thi

us se inkar ki qimat kisi ne nahin puchhi

bas phephaDon ne KHud ko taqsim kar diya

main sans lena chahta hun

khuli faza mein

lekin bhar chuka hai zahr

meri dua mein

wo sab mil kar dhakelte hain mujhe

ghaaron mein

jahan mera pathraya hua badan

mera KHun mangta hai

jis mein tairte hain ghuTan ke bulbule

phaTte hain mere jazbon ki tarah

aawaz kisi drone ki

jo dhimi aur mohlik hai

uchhaal deti hai

numudar hone wali lakiron ki taraf

jin ki atraf mein ghuTan

pagal-pan mein har shai taqsim karti hai

taqsim karti hai phephDe

jinhen apni sanson ki Dor se

bandhna chahta hun