dua

zindagī sham' kī sūrat ho ḳhudāyā merī

māñgtā thā ye du'ā

shām-o-sahar bachpan meñ

jaane kyā roz thā kyā vaqt thā kyā lamha thā

dar-e-tāsīr khulā thā

ki ḳhudā 'arsh-e-barīñ se

chalā aaya thā zamīñ par

nuur ik chamkā kuchh aisā ki mire siine meñ

aag sī ek lagī

aur phir baḌhtī rahī rag rag meñ

aur ab haal ye hai

jism kā koī bhī ang

aag se ḳhālī nahīñ

na koī phūñk na tūfāñ

aag phailī hī chalī jaatī hai

maiñ pighaltā hī chalā jaatā huuñ

zindagi sham' ki surat ho KHudaya meri

mangta tha ye du'a

sham-o-sahar bachpan mein

jaane kya roz tha kya waqt tha kya lamha tha

dar-e-tasir khula tha

ki KHuda 'arsh-e-barin se

chala aaya tha zamin par

nur ek chamka kuchh aisa ki mere sine mein

aag si ek lagi

aur phir baDhti rahi rag rag mein

aur ab haal ye hai

jism ka koi bhi ang

aag se KHali nahin

na koi phunk na tufan

aag phaili hi chali jati hai

main pighalta hi chala jata hun