etirafat

tū un laḌkiyoñ meñ se thī

jin se mil kar

ragoñ meñ havas phaḌphaḌātī phire

mujhe terī ḳhvāhish thī

aur tujh ko merī

mire haath ne tere hāthoñ se

tere badan se

ka.ī baar bāteñ bhī kiiñ

tire jism kī narm ḳhāmoshiyāñ

mujh ko tarġhīb ke jangaloñ meñ bulātī rahīñ

un ghane rāstoñ se pare

sabz paanī kā chashma chamaktā thā

par us ke nazdīk sang-e-sazā se udhar

terī chāhat kī had aa ga.ī thī

mohabbat kā da.avā tujhe ab bhī hai

par tujhe pyaar karnā na aayā kabhī

tū ne jaanā nahīñ

ki mohabbat meñ chalnā hai ruknā nahīñ

is meñ sab kuchh gañvānā hai

paanā nahīñ

haañ ye kuchh aur hī baat hai

tū nahīñ jāntī thī

ki gar pyaar kartī bhī tū

tab bhī maiñ

tere māthe pe dhoke kī kālak lagātā

tujhe sabz paanī tale chhoḌ aatā

tu un laDkiyon mein se thi

jin se mil kar

ragon mein hawas phaDphaDati phire

mujhe teri KHwahish thi

aur tujh ko meri

mere hath ne tere hathon se

tere badan se

kai bar baaten bhi kin

tere jism ki narm KHamoshiyan

mujh ko targhib ke jangalon mein bulati rahin

un ghane raston se pare

sabz pani ka chashma chamakta tha

par us ke nazdik sang-e-saza se udhar

teri chahat ki had aa gai thi

mohabbat ka dawa tujhe ab bhi hai

par tujhe pyar karna na aaya kabhi

tu ne jaana nahin

ki mohabbat mein chalna hai rukna nahin

is mein sab kuchh ganwana hai

pana nahin

han ye kuchh aur hi baat hai

tu nahin jaanti thi

ki gar pyar karti bhi tu

tab bhi main

tere mathe pe dhoke ki kalak lagata

tujhe sabz pani tale chhoD aata