ehtiyat

us se miltā huuñ

to yuuñ mahsūs hotā hai

ki āñkheñ sang-e-arzāñ

jism sone kā magar qīmat se aarī

jaan phūloñ kī magar ḳhushbū se nā-vāqif

sadā āhang se ḳhālī

ki jaise koī bachcha bhiiḌ meñ kho jaa.e

aur rone lage

usī baa.is

maiñ us se jab bhī miltā huuñ

to apnī āñkheñ

apnā jism

apnī jaan

ghar par chhoḌ aatā huuñ

ki shaam aa.e to

ghar jaane ke qābil rah sakūñ

aur kam se kam apnī kahānī

ḳhud se jā kar kah sakūñ

us se milta hun

to yun mahsus hota hai

ki aankhen sang-e-arzan

jism sone ka magar qimat se aari

jaan phulon ki magar KHushbu se na-waqif

sada aahang se KHali

ki jaise koi bachcha bhiD mein kho jae

aur rone lage

usi bais

main us se jab bhi milta hun

to apni aankhen

apna jism

apni jaan

ghar par chhoD aata hun

ki sham aae to

ghar jaane ke qabil rah sakun

aur kam se kam apni kahani

KHud se ja kar kah sakun