ek aur sharabi sham

chalo aaj ek aur koshish hogī

phir ek shaam Duub jā.egī sharāb meñ

zindagī ke añdhere sard TukḌe

jaam meñ ghul kar hoñThoñ ke havāle hoñge

zabāñ pe thiraktī tishnagī dhīre dhīre

halq tak phail jā.egī

ḳhāmoshī kā libās pahne

kone meñ qaid tanhā.ī rihā hogī

aur nas nas meñ dauḌ kar raqs karegī

mere lahū meñ bah rahe us be-qābū shaḳhs ko

sambhālne kī mashaqqat hogī

sulagtī ruuh us kī yādoñ kī bhaap meñ

tap kar surḳh laal ho jā.egī

āñkhoñ se garm bulbule Tapakne lageñge

jām-dar-jām andarūnī ubaal

pighaltā jā.egā

jab āñkhoñ ke paimāne bilkul ḳhālī ho jā.eñge

tab us laal bistar par

merī nīndeñ tumhāre ḳhvāboñ ko

āġhosh meñ le kar so jā.egī

chalo aaj ek aur koshish hogi

phir ek sham Dub jaegi sharab mein

zindagi ke andhere sard TukDe

jam mein ghul kar honThon ke hawale honge

zaban pe thirakti tishnagi dhire dhire

halq tak phail jaegi

KHamoshi ka libas pahne

kone mein qaid tanhai riha hogi

aur nas nas mein dauD kar raqs karegi

mere lahu mein bah rahe us be-qabu shaKHs ko

sambhaalne ki mashaqqat hogi

sulagti ruh us ki yaadon ki bhap mein

tap kar surKH lal ho jaegi

aankhon se garm bulbule Tapakne lagenge

jam-dar-jam andaruni ubaal

pighalta jaega

jab aankhon ke paimane bilkul KHali ho jaenge

tab us lal bistar par

meri ninden tumhaare KHwabon ko

aaghosh mein le kar so jaegi