ek kamra

ye naqsha hai us kamre kā ki jis kī

zamīn udāsī ugal rahī hai

chaar dīvāroñ meñ se ik jānib to maiñ huuñ

baqiyā atrāf se vahshat Tapaktī hai

apne kuchh yaar the haañ the

ġham-gusār the haañ the

mar ga.e kyā haañ mar ga.e

ajab hai ki ranj-e-rā.egānī bhī nahīñ rahā

shāyad ke ab ahd-e-javānī bhī nahīñ rahā

tere aur un sab ke gumānoñ se kahīñ duur

is ik kamre meñ

maiñ kā.enātī shu.ūr aur soch ko sameTe

apne hone kī vajah DhūñD rahā huuñ

ye naqsha hai us kamre ka ki jis ki

zamin udasi ugal rahi hai

chaar diwaron mein se ek jaanib to main hun

baqiya atraf se wahshat Tapakti hai

apne kuchh yar the han the

gham-gusar the han the

mar gae kya han mar gae

ajab hai ki ranj-e-raegani bhi nahin raha

shayad ke ab ahd-e-jawani bhi nahin raha

tere aur un sab ke gumanon se kahin dur

is ek kamre mein

main kaenati shuur aur soch ko sameTe

apne hone ki wajah DhunD raha hun