ek laDka

shahr masnūī qahqahoñ se apne

din kā āġhāz kartā hai

magar ek laḌkā jo saarā din

cigarette ke dhueñ ke raqs ko dekhtā rahtā hai

vo baġhāvat kar chukā hai raat se

aur ab is ke badle ḳhudā se kisī

na.ī chiiz kī taḳhlīq kā mutālba kar rahā hai

vo ḳhudā se chhup kar

apne taḳhayyul se ek na.ī kā.enāt

taḳhlīq kar rahā hai

lekin us ke liye use samundar kī

machhliyoñ se kuchh rang udhār lene hoñge

vo zindagī ke canvas se saare rang

churā lenā chāhtā hai magar

samundar aur zindagī mil kar us ke sapnoñ ke saath

mubāsharat kar rahe haiñ

biis baras se apnī zindagī ko jhūTī loriyāñ

sunā kar vo thak chukā hai

is duniyā ne use sautelī maañ jitnā pyaar diyā hai

vo din raat bas is soch meñ mubtalā hai

ki kyā maiñ apne ḳhvāboñ se na.ī kā.enāt taḳhlīq kar sakūñgā

shahr masnui qahqahon se apne

din ka aaghaz karta hai

magar ek laDka jo sara din

cigarette ke dhuen ke raqs ko dekhta rahta hai

wo baghawat kar chuka hai raat se

aur ab is ke badle KHuda se kisi

nai chiz ki taKHliq ka mutalba kar raha hai

wo KHuda se chhup kar

apne taKHayyul se ek nai kaenat

taKHliq kar raha hai

lekin us ke liye use samundar ki

machhliyon se kuchh rang udhaar lene honge

wo zindagi ke canwas se sare rang

chura lena chahta hai magar

samundar aur zindagi mil kar us ke sapnon ke sath

mubasharat kar rahe hain

bis baras se apni zindagi ko jhuTi loriyan

suna kar wo thak chuka hai

is duniya ne use sauteli man jitna pyar diya hai

wo din raat bas is soch mein mubtala hai

ki kya main apne KHwabon se nai kaenat taKHliq kar sakunga