ek nazm

ham

āḳhirī baar kisī

ḳhvāb meñ mile the

lekin

sharāb shahd

aur panīr kā zā.iqa bhī

alvidā'ī bose kī lazzat

dhuñdlā nahīñ sakā

tum se

bichhaḌne ke baa'd

maiñ ne

kabhī

āñsuoñ par

barā.e-faroḳht kā Tag nahīñ lagāyā

aur

apne

qahqahoñ kā khokhlā-pan

saarī zindagī

jur’a jur’a piitā rahā

tumhārī āñkheñ

kisī farāmosh-shuda

station ke book stall par Tañgī

rah ga.iiñ

aur bāteñ

ḳhāmushī ke tāqchoñ meñ jaltī rahīñ

adhūre ‘ahd-nāmoñ pe likhe naam

tārīḳh kī yād-dāsht

se mahv ho jaate haiñ

lekin ek nazm

unheñ zinda rakh saktī hai

hum

aaKHiri bar kisi

KHwab mein mile the

lekin

sharab shahd

aur panir ka zaiqa bhi

alwida'i bose ki lazzat

dhundla nahin saka

tum se

bichhaDne ke ba'd

main ne

kabhi

aansuon par

barae-faroKHt ka Tag nahin lagaya

aur

apne

qahqahon ka khokhla-pan

sari zindagi

jur’a jur’a pita raha

tumhaari aankhen

kisi faramosh-shuda

station ke book stall par Tangi

rah gain

aur baaten

KHamushi ke taqchon mein jalti rahin

adhure ‘ahd-namon pe likhe nam

tariKH ki yaad-dasht

se mahw ho jate hain

lekin ek nazm

unhen zinda rakh sakti hai