ek nazm

ye log lams ke mele se be-ḳhabar chup-chāp

gharoñ kī samt ravāñ haiñ

ye haspatāl ye shor

ye park rātoñ kī bastī haiñ ishtihāroñ ke lafz

ye board kuchlī huī jins kī 'alāmat haiñ

thake hue haiñ ye sab ḳhāke masḳh haiñ chehre

vahāñ khaḌī hai kisī bus ke intizār kī bhiiḌ

kisī ko halkā sā ik dhakkā de ke ye dekho

vo baḌbaḌātā hai yā mo'atabar ravayye ko

badan se apne alag kar ke gaalī baktā hai

yahāñ Darāma to chhoTā sā khel kar dekho

ki make-upoñ kī tahoñ meñ gaḌe hue chehre

dhulī-dhulā.ī shabāhat se kyoñ mumāsil haiñ

sharīf chehroñ ke ye ḳhol

kis tarah

chechak

kamīngī ko chhupāte haiñ

tez nazroñ se

ye log lams ke mele se be-KHabar chup-chap

gharon ki samt rawan hain

ye haspatal ye shor

ye park raaton ki basti hain ishtihaaron ke lafz

ye board kuchli hui jins ki 'alamat hain

thake hue hain ye sab KHake masKH hain chehre

wahan khaDi hai kisi bus ke intizar ki bhiD

kisi ko halka sa ek dhakka de ke ye dekho

wo baDbaData hai ya mo'atabar rawayye ko

badan se apne alag kar ke gali bakta hai

yahan Darama to chhoTa sa khel kar dekho

ki make-upon ki tahon mein gaDe hue chehre

dhuli-dhulai shabahat se kyon mumasil hain

sharif chehron ke ye KHol

kis tarah

chechak

kamingi ko chhupate hain

tez nazron se