faslon ki salib

ye dhund shak kī gar chhaTe

sukūt gar anā kā pāsh-pāsh ho

to ham bhī aañkh khol kar

ye dekh leñ

hamāre apne darmiyāñ

salīb fāsloñ kī hai kahāñ kahāñ gaḌhī huī

ḳhulūs kī jo kahkashāñ

hamāre sar pe ḳhema-zan thī āḳhirash kahāñ ga.ī

kahāñ ga.ī chamak damak vo raushnī

ki jis se faizyāb the

hamārī zindagī ke din jo ulfatoñ ke ḳhvāb the

ye dhund shak kī gar chhaTe

sukūt gar anā kā pāsh-pāsh ho

to ek baar phir hamāre darmiyāñ ke fāsle

simaT ke qurbatoñ kā ruup dhaar leñ

so ham bhī zindagī sañvār leñ

ye dhund shak ki gar chhaTe

sukut gar ana ka pash-pash ho

to hum bhi aankh khol kar

ye dekh len

hamare apne darmiyan

salib faslon ki hai kahan kahan gaDhi hui

KHulus ki jo kahkashan

hamare sar pe KHema-zan thi aaKHirash kahan gai

kahan gai chamak damak wo raushni

ki jis se faizyab the

hamari zindagi ke din jo ulfaton ke KHwab the

ye dhund shak ki gar chhaTe

sukut gar ana ka pash-pash ho

to ek bar phir hamare darmiyan ke fasle

simaT ke qurbaton ka rup dhaar len

so hum bhi zindagi sanwar len