faqiron ki basti

ye ḳhairāt hī kī karāmat hai aaqā

ye parde haTā de

baḌe bādshāhoñ kī sañgat hai

sālāna ḳhairāt kā mo.āmla hai

to tamġhe sajā mere aaqā tirī hāzirī hai

vo tamġhe jo mashriq ke malbūs par tanz haiñ

vo tamġhe jihādoñ ke jin ke patte jel-ḳhānoñ meñ fariyād-ḳhvāñ haiñ

vo jañgeñ nishāñ jin ke sarhad ke andar kahīñ dafan haiñ

ye ḳhairāt hī kī karāmat hai

utran se mānūs māhaul meñ

riit aisī chalī hai ki har marhale fikr meñ

sirf imdād imdād kī guḌguḌātī sadā hai

har ik fard ḳhairāt ke shauq meñ sargirāñ hai

ye parde haTā mere aaqā

ki tū bhī faqīr aur maiñ bhī

ye KHairaat hi ki karamat hai aaqa

ye parde haTa de

baDe baadshahon ki sangat hai

salana KHairaat ka moamla hai

to tamghe saja mere aaqa teri haziri hai

wo tamghe jo mashriq ke malbus par tanz hain

wo tamghe jihadon ke jin ke patte jel-KHanon mein fariyaad-KHwan hain

wo jangen nishan jin ke sarhad ke andar kahin dafan hain

ye KHairaat hi ki karamat hai

utran se manus mahaul mein

rit aisi chali hai ki har marhale fikr mein

sirf imdad imdad ki guDguDati sada hai

har ek fard KHairaat ke shauq mein sargiran hai

ye parde haTa mere aaqa

ki tu bhi faqir aur main bhi