faryaadat

fāsle kī to ḳhair baat hai aur

Hyderabad dil se duur nahīñ

dillī meñ yuuñ zabān pe aa.ī dakan kī baat

sahrā meñ chheḌ deve koī jaise chaman kī baat

bazm-e-ḳhirad meñ chhiḌ to ga.ī hai dakan kī baat

ab ishq le ke aa.egā dār-o-rasan kī baat

ik husn-e-dakan thā jo nigāhoñ se na chhūTā

har husn ko varna ba-ḳhudā chhoḌ ga.e ham

'āzād' ek pal bhī na dil ko sakūñ milā

raste meñ dakan bhī thā kahīñ lucknow ke baa'd

'āzād' phir dakan kā samundar hai rū-ba-rū

le jā dil-o-nazar kā safīna sañbhāl kar

fasle ki to KHair baat hai aur

Hyderabad dil se dur nahin

dilli mein yun zaban pe aai dakan ki baat

sahra mein chheD dewe koi jaise chaman ki baat

bazm-e-KHirad mein chhiD to gai hai dakan ki baat

ab ishq le ke aaega dar-o-rasan ki baat

ek husn-e-dakan tha jo nigahon se na chhuTa

har husn ko warna ba-KHuda chhoD gae hum

'azad' ek pal bhi na dil ko sakun mila

raste mein dakan bhi tha kahin lucknow ke ba'd

'azad' phir dakan ka samundar hai ru-ba-ru

le ja dil-o-nazar ka safina sanbhaal kar