gaurayya tum aa bhi jao

gaurayyā tum aa bhī jaao

aakar sab kā dil bahlāo

tum bin ghar hai suunā suunā

vīrāñ is kā konā konā

jab tum ghar meñ aatī thiiñ

kitnī ḳhushiyāñ laatī thiiñ

chiiñ chiiñ kartīñ shor machātīñ

phir bhī sab ke man ko bhātīñ

tinkā tinkā tum thiiñ lātīñ

ghar apnā phir un se banātīñ

phir us meñ tum detīñ anDe

jin se bāhar aate bachche

hote the ye nanhe munne

dekh ke jin ko ham ḳhush hote

yādeñ kitnī haiñ ye suhānī

lekin ab to huiiñ purānī

jab se tum ne aanā chhoḌā

dil goyā sab kā hī toḌā

bolo bolo kahāñ ga.ī ho

kaun des meñ jā ke chhupī ho

kaise tum ko vāpas laa.eñ

tum se apnā dil bahlā.eñ

'ākif' tum ko yaad hai kartā

yādoñ se dil shaad hai kartā

gaurayyā tum aa bhī jaao

ghar meñ ḳhushiyāñ vāpas laao

gaurayya tum aa bhi jao

aakar sab ka dil bahlao

tum bin ghar hai suna suna

viran is ka kona kona

jab tum ghar mein aati thin

kitni KHushiyan lati thin

chin chin kartin shor machatin

phir bhi sab ke man ko bhatin

tinka tinka tum thin latin

ghar apna phir un se banatin

phir us mein tum detin anDe

jin se bahar aate bachche

hote the ye nanhe munne

dekh ke jin ko hum KHush hote

yaaden kitni hain ye suhani

lekin ab to huin purani

jab se tum ne aana chhoDa

dil goya sab ka hi toDa

bolo bolo kahan gai ho

kaun des mein ja ke chhupi ho

kaise tum ko wapas laen

tum se apna dil bahlaen

'akif' tum ko yaad hai karta

yaadon se dil shad hai karta

gaurayya tum aa bhi jao

ghar mein KHushiyan wapas lao